Аб консульскіх кансультацыях міністэрстваў замежных спраў
22.03.2023 г.21 сакавіка г.г. у Іерусаліме паміж міністэрствамі замежных спраў Рэспублікі Беларусь і Дзяржавы Ізраіль адбыліся чарговыя кансультацыі па консульскіх пытаннях на ўзроўні кіраўнікоў консульскіх службаў.
У ходзе кансультацый бакі разгледзелі шырокае кола пытанняў консульскага супрацоўніцтва, уключаючы магчымасць пашырэння сферы дзеяння бязвізавага рэжыму і інструментаў садзейнічання сваім грамадзянам у надзвычайных сітуацыях, наладжвання прамога ўзаемадзеяння міграцыйных службаў і міністэрстваў унутраных спраў у цэлым. Асаблівая ўвага была ўдзелена пошуку ўзаемапрымальных рашэнняў праблемных пытанняў уезду беларускіх грамадзян у Ізраіль.
Па выніках кансультацый дасягнуты шэраг дамоўленасцей, нацэленых на ўмацаванне супрацоўніцтва консульскіх службаў Беларусі і Ізраіля, эфектыўнае вырашэнне двухбаковых консульскіх пытанняў, уключаючы абарону правоў і інтарэсаў грамадзян дзвюх дзяржаў, аблягчэнне парадку атрымання імі афіцыйных дакументаў і перасячэння дзяржаўнай граніцы.
