Аб сустрэчы Пасла з Патрыярхам Феафілам III
28.02.2025 г.28 лютага 2025 г. Пасла Беларусі ў Ізраілі Юрыя Ярашэвіча прыняў у сваёй рэзідэнцыі ў Іерусаліме Блажэннейшы Патрыярх Святога Града Іерусаліма і ўсёй Палестыны Феафілам III.
Патрыярх Іерусалімскі – кіраўнік Іерусалімскай праваслаўнай царквы, адной з найстаражытнейшых хрысціянскіх цэркваў. Ён нясе адказнасць за духоўнае кіраўніцтва праваслаўнымі вернікамі на Святой Зямлі, ахову хрысціянскіх святыняў і ўдзельнічае ў міжцаркоўным і міжрэлігійным дыялогу, спрыяючы захаванню міру і стабільнасці ў рэгіёне.
Падчас сустрэчы Юрый Ярашэвіч адзначыў значнасць юбілейных дат, якія святкуюцца ў 2025 годзе, для праваслаўных вернікаў Беларусі: 900-годдзе заснавання Спаса-Еўфрасіннеўскага жаночага манастыра ў Полацку, 555-годдзе здабыцця цудатворнай Жыровіцкай іконы Божай Маці і 505-годдзе Свята-Успенскага Жыровіцкага стаўрапігіяльнага мужчынскага манастыра.
Бакі падкрэслілі важнасць захавання духоўнай спадчыны і ўмацавання культурных і рэлігійных сувязяў. Асаблівую ўвагу надалі значэнню паломніцтва і падтрымцы гуманітарных і духоўных ініцыятыў, якія спрыяюць умацаванню міжчалавечых кантактаў.
Падчас абмеркавання сітуацыі на Блізкім Усходзе была адзначана неабходнасць захавання міру і стабільнасці. Патрыярх Феафіл III падкрэсліў, што ў Іерусаліме штодня ўзносяцца малітвы за мір.
Напрыканцы сустрэчы Патрыярх перадаў найлепшыя пажаданні Прэзідэнту Рэспублікі Беларусь Аляксандру Лукашэнку і выказаў надзею на далейшае развіццё духоўных і культурных сувязяў.
