Аб сустрэчы Пасла Беларусі з генеральным дырэктарам Інстытута экспарту Ізраіля Нілі Шалеў
16.04.2026 г.16 красавіка 2026 г. адбылася сустрэча Надзвычайнага і Паўнамоцнага Пасла Рэспублікі Беларусь у Дзяржаве Ізраіль Юрыя Ярашэвіча з генеральным дырэктарам Інстытута экспарту Ізраіля Нілі Шалеў.
Інстытут экспарту Ізраіля — некамерцыйная арганізацыя, якая выконвае важную ролю ў развіцці знешнеэканамічнай дзейнасці краіны. У цесным узаемадзеянні з Міністэрствам эканомікі і прамысловасці, Міністэрствам замежных спраў і дыпламатычнымі прадстаўніцтвамі Ізраіля за мяжой садзейнічае развіццю экспартнага патэнцыялу ізраільскіх кампаній і іх выхаду на знешнія рынкі. Кіраўніцтва Інстытута экспарту традыцыйна ўваходзіць у склад бізнес-дэлегацый, якія суправаджаюць Прэзідэнта Ізраіля І.Герцага падчас яго замежных візітаў.
На сустрэчы Пасол падрабязна расказаў аб цяперашнім стане беларускай эканомікі, яе дасягненнях і асноўных крыніцах развіцця. Ахарактарызаваў стан беларуска-ізраільскіх гандлёва-эканамічных адносін, прапанаваў канкрэтныя напрамкі па актывізацыі двухбаковага супрацоўніцтва. У асаблівасці, адзначыў неабходнасць аднаўлення работы двухбаковай гандлёва-эканамічнай камісіі, перадаў прапановы па ўдзелу ў выставачнай дзейнасці Беларусі і правядзенні сумесных дзелавых мерапрыемстваў, перш за ўсё ў галінах сельскай гаспадаркі, медыцыны і інфармацыйна-камунікацыйных тэхналогій.
З улікам нядаўняга аднаўлення прамых рэйсаў «Белавія» ў Ізраіль Пасол запрасіў Інстытут экспарту да арганізацыі візітаў ізраільскіх бізнес-дэлегацый у Беларусь.
Сустрэча прайшла ў канструктыўнай абстаноўцы. Па выніках бакі дамовіліся аб правядзенні ў кароткатэрміновай перспектыве сумеснага дзелавога мерапрыемства на пляцоўцы Інстытута экспарту Ізраіля.
